ජෝ තිස්ස

කෝටි ගණනින්
ලොතරැයි දිනන්න
නැකැත් දෙනවා
පෙට්ටි කඩයක
කේන්දර බලන
ජෝතිස්ස මහතා

මං අාස

එකතු වෙලා
වෙන් වෙන
අසමාන්තර
රේඛාවකට
වැඩියෙන්

මන් ආසයි
එකතු නොවී
එකට යන
සමාන්තර
රේඛාවකට

වෛර නොකරමි

වෛර
නොකරමි
සමනලියට
මට තටු
නැතුවට

නොබිඳිමි
අත්තටු
සිර කර
තබනට

දෑත් දිගහැරිමි
ඉගිලෙන්නට
නිල් අහස
සොයාගෙන

රතු රෝස
පොකුරක්
හංගන්
හිඳිමි
නැවත
ආවොත්
නුඹට දෙන්නට...

ඒ රුදුරු පරිච්ඡේදය

කවරයට
පෙම් බැඳ
කියවන්න
ළඟට ගත්
පටුන නැති
පොත නුඹ

සිය ගණන් පිටු
කියවීමි සිතුවෙමි
සියල්ල දත් බව

නොසිතූ මොහොතක
සුළඟට පෙරලුණු
එක් පරිච්ඡේදයක්
ඒ කියු කතන්දරය

අහස අඳුරු කරලිය
අකුණු සැර පිපිරිය
වැහි පොද ඇතිරිය
කොපුල් තෙමීය
කඳුලු වැසෙන්නට

උණූසුම් කරගෙන
පපුව බර කරගෙන
ගිලගත් සුසුම් පොද
හඬා වැලපෙනවා
දැක හඬන හදවත 

නැහැ නුඹේ වරදක්
පෙම් කලෙත් මම
රැවටුනෙත් මම
වැරදුනෙත් මට
ඉතින් දැන්
නුඹ අතහැර
යන්නෙත්
මම ~

නැගෙණියේ

නෙළුම්
පොකුණේ
පිහිනාගෙන
ඒවි ළඟටම
කියාගෙන
පෙම් කවි
ළා නෙළුමට
නෙලන තුරු
නටුවෙන්
සවන් පුරවයි
මිහිරි වදනින්

ඒහෙත්
නෙළුම්
නැගණිය
නොකරනු
අමතක,

නිතර මල්
අත දරන
මල් කරුට
ඔබ තවක්
එක මලක්
දිනකට
අත මිට
ගෙනෙන

දෝණියේ නො ඉල්ලනු ඇගෙන් දායාද

හිරු
මියෙන
නැකත ට
පෝරුව ට
ගොඩවෙන
මිල කළ
මනාලියක්

වීදි පලස මත
ඒ අත මේ අත
සක්මන් කරයි
අතැතිව පැද්දෙන
රේන්කෝ සළකුණ

ලොව තවම දන්නේ
ඇය ජරා ගෑණියක්
වල් කමට වීදියේ
ඒ මේ අත සරන

දන්නේ ඇයමයි
දෙතන පුඩු ගැන
නිරන්තරයෙන්
කිරෙන් තෙත්වෙන

සොයන්නේ ඇය

රජ සුවක් නොව

මනු ලොවක්

දෝණියට 

ඇගේ මඟ 

හිමි නොවන

~ Hima 

දොරගුලු බිඳ සොරෙක්

කැඩී බිඳීගිය හදවත
යන්තම් එකතු කර
නොබි‍ෙඳෙන්න ආයේම
තිබ්බා පරිස්සමට
දුර ඈත එක්ටැම්ගේක

කරුමෙක මහත
දොරේ අගුල බිඳගෙන
සොරෙක් විත් ඇතුලට
සොරෙක් කිවුවට
සොරෙක් නෙමෙයි
සරෙක් මල් සරෙක්

විදලා අසරණ හදවතට
බලා ඉන්නවා කින්ඩියට

සෙල්ෆි

කෙල්ලෙක්

දැම්මොත්

සෙල්ෆියක්

එක්කලා

වැරහැළි

රෙද්දක් 

ලයික් 

පන්සීයයි

කමෙන්ට්

පනහයි

වාවු කියුට්

අමුතුම ලස්සනක්

වෙනස්ම එකක්

කමෙන්ට්

කියවන්නෙ

මුරුන්ගා

අත්තෙ 

අග ඉඳන්...

ගිනි මල

ගිනි මලේ
තොල් පෙති
ළඟට මා නාවේ
දැවී අලුවී
මියෙන්නට
බියේ නොව

දැවී අලු
වෙතොත්
සිහිනය
කෙසේ
දකින්නද
නැවත මා
මගේ සිහිනයේ
මගේ නොවන
මගේ මල

එයයි
මට
බිය

- Hima

අපි වෙනස්

මන්මදරාසා
අහගෙන
කරටි
කැඩෙන්න
රෑට නටලා
උදේම යමු
උතුරේ
දෙමලු
එලවන්න

මළ ගෙදර නයිට් එක

ෆ්‍රයිඩ් රයිස්
චිකන් ඩෙවල්
කිරි කෝපි
කාඩ් කුට්ටම්
.
.
.
අප්පච්චිගෙ
මළ ගෙදරට
මැති සබේ
නයිට් එක

'කනත්ත'

යන්න එපා උඹලා
කනත්තක් ළඟින්

වෛරය පතුරන
කුහක කම උතුරන
උඹලාට බයවේවි
මළ කඳන්...

උඹලා මොකට ද
බය වෙන්නෙ?

උන් ගාව නෑ
ඉරිසියාව!

උන් ගාව නෑ
කුහක කම!

උන් ගාව නෑ
පලිගැනීම!

වඳ ද ප්‍රේමය?

දෙ වසරක්
තෙ වසරක්
ඔබමා හදවත්
එක් වූවත්
එකිනෙක

වසන්තයේ

සිරියහනක

ගැබ් ගෙන
නැහැ ප්‍රේමය
ඔබ හද තුළ
තවම

කිමෙක්ද
කාරණය
වඳ ද
මගේ
ප්‍රේමය ~

ගඩොල් කැට අතර

අබ ඇට සොයන්නට
නොවෙහෙසේ අද
කාගීල්ස් තියෙනවා
පන්සලට යනකොට

නූල් අත වසාගෙන
යන්තර දමාගෙන
දුක කියයි අම්මලා
නිසල වූ බුදුන් ළඟ...

සවන් නැත අසන්නට
දෙනෙත් නැත දකින්නට
ලවන් නැත දෙසන්නට

එනමුත්,
බුදුන් ඇත සැඟව
ඒ ගඩොල් අතරම
සෙවිය යුතු ඔබම

සූරන්න මතුපිට
අහංකාර තීන්ත.
බිඳින්න වට වූ
තණ්හාවේ බදාමය.
ගලවන්න එකිනෙක
මමත්වයේ ගඩොල් කැට.

දකින්න එහි ඇත,
බුදුන්ගේ හදවත

'නිර්වාණය'

හදවතක් සහ හදවතක්

නෙතක් නෙත් දහසක්
සිපගත්තද,

දෙතොල් සියක් දෑත්
සිපගත්තද,

හදක් සිපගන්නේ
එක් හදවතක්මැයි ~

ප්‍රේමයේ පතිවත

තරු එළිය
ඇති මට
හැදුවා
හිත මගෙ
සනස ගන්න

ඒත්,
තාමත් ඉඳහිට
දැල්වෙන
වීදි ලාම්පුව
බිඳිනවා
ප්‍රේමයේ
පතිවත
බැඳුනු
තරු එලියට

~ Hima

ඇහැරවන්න මා

සැතප හිඳිමි
නුඹ ළය මත
සොඳුරු
සිහිනයක
මා...

හැකි නම්
රැගෙන
යන්නට,

දෑස් මත
නුඹ මුව
සිත්තම් වන,
මුදු අතැඟිලි
මා හිස පිරිමදින

'සැබෑ ලොවකට'

අවසරයි නුඹට
ඇහැරවන්න මා
ඒ හීනයෙන් ~